МӨҺИМ ОРГАНИК СИНТЕЗ ПРОДУКТТАРЫ ЕТЕШТЕРЕҮ
МӨҺИМ ОРГАНИК СИНТЕЗ ПРОДУКТТАРЫ ЕТЕШТЕРЕҮ, синтетик спирттар, фенол, ацетон, органик кислоталар, альдегидтар, кетондар, синтетик йыуыу саралары һәм углеводород сеймалынан органик синтездың башҡа продукттарын эшләп сығарыу б‑са нефтехимия сәнәғәте тармағы. Башҡортостанда 20 б. 50‑се йй. үҫешә башлай. 2004 й. тармаҡта 24 пр‑тие һәм производство, ш. иҫ. “Авангард”, “Каустик”, Өфө нефть эшкәртеү заводы, “Салаватнефтеоргсинтез” (ҡара: “Газпром нефтехим Салават”), Стәрлетамаҡ нефтехимия заводы, “Уфанефтехим”, “Уфаоргсинтез”, “Уфахимпром”, Яңы Өфө нефть эшкәртеү заводы эшләгән. БР нефтехимия сәнәғәте етештереү күләменең 56,2%-ы тармаҡ өлөшөнә тура килә (2004). Башҡортостан Рәсәйҙә синтетик глицериндың һәм гуттаперчаның берҙән‑бер етештереүсеһе; изобутил һәм бутил спирттары етештереүселәренең иң эреһе (46,2%) булып тора. Продукцияһы БР‑ҙа һәм РФ‑тың башҡа төбәктәрендә һатыла, яҡын һәм алыҫ сит илдәргә сығарыла. Продукция етештереү динамикаһын табл. ҡарағыҙ.
И.В.Лаврешина
Тәрж. Г.Ҡ.Ҡунафина
Башҡортостанда мөһим органик синтез продукттары етештереү динамикаһы, мең т
|
1970 |
1980 |
1990 |
2000 |
2010 |
Бутил һәм изобутил спирттар |
42 |
68 |
216 |
137 |
— |
Синтетик майлы кислоталар |
37 |
52 |
43 |
23 |
— |
Ацетон |
32 |
97 |
89 |
44 |
— |
Ангидридфталь |
12 |
21 |
22 |
11 |
— |
Бензол |
34 |
54 |
171 |
175 |
— |
Этилбензол |
58 |
98 |
— |
— |
— |
Синтетик һәм ташкүмерле фенол |
50 |
154 |
143 |
71 |
— |
Пропилен |
49 |
147 |
262 |
257 |
226 |
Этилен |
72 |
329 |
527 |
389 |
323 |
Синтетик йыуыу саралары |
— |
— |
55 |
33 |
21 |