СИБАЙ УРМАН СӘНӘҒӘТЕ ХУЖАЛЫҒЫ

СИБАЙ УРМАН СӘНӘҒӘТЕ ХУЖАЛЫҒЫ, ағас әҙерләү һәм эшкәртеү, урман м‑н файҙаланыуҙы көйләү эштәрен башҡарған. 1948 й. Ҡана, Күркәтау һәм Шанский урман пункттарын берләштергән Ҡананикольский урман хужалығы булараҡ нигеҙ һалына; 1978 й. алып С.у.с.х., 1998 й. башлап ААЙ, 2007 й. ябыла. Составына Ҡананикольский урман пункты, Сибай түбәнге склады, Сибай автоюлы ингән. 2002 й. 455 кеше эшләгән; 49,2 мең м³ ағас сығарылған, 33 мең м³ ағас материал, 41,6 мең м³ эшкә яраҡлы ағас, 7,7 мең м³ ағас‑таҡта, 0,5 мең м² өй бураһы етештерелгән. Продукцияһы БР‑ҙа һатылған. 1958—97 йй. С.у.с.х. тарафынан 4584 т ағас сайыры, 256 т дегет әҙерләнә, 423,5 мең м³ ағас‑таҡта, 1279 мең м³ фанер өсөн сеймал етештерелә. Урман хужалығы 70‑се йй. — Японияға, 90‑сы йй. Финляндияға технологик сеймал сығарған.

Тәрж. Г.Ҡ.Ҡунафина