Для авторизации на текущем портале в Вашем профиле ЕСИА должно быть заполнено поле "Электронная почта"

Инергə
Төбәк интерактив энциклопедик портал «Башҡортостан»
Башҡортостан Республикаһы Фәндәр академияһы Башҡортостан Республикаһы “Башҡорт энциклопедияһы” дәүләт автономиялы фән учреждениеһы

ПАВЛОВ Валентин Николаевич

Просмотров: 1516

ПАВЛОВ Валентин Николаевич (10.3.1966, Өфө ҡ.), уролог. РФА академигы (2022), медицина фәндәре докторы (1999), профессор (2002). БР‑ҙың атҡаҙанған фән эшмәкәре (2006), БР‑ҙың һаулыҡ һаҡлау отличнигы (2007). БДМИ‑ны тамамлағандан һуң (1989) Өфө ҡ. 8‑се дауаханаһында эшләй. 1990 й. алып БДМУ‑ла: 2003 й. башлап урология кафедраһы мөдире, бер үк ваҡытта 2006—08 йй. дауалау эштәре буйынса проректор, 2011 й. алып ректор. Фәнни эшмәкәрлеге төп урология ауырыуҙарының иммун профилактикаһы һәм иммун терапияһы, бәүел‑енес системаһының яман шештәрен диагностикалау, иҫкәртеү һәм дауалау ысулдарын камиллаштырыу, урологияла ҡулланыу өсөн аллоген биоматериалдар булдырыу һ.б. менән бәйле. П. ҡатнашлығында уретеро-уретеро‑илеоанастомоз алымы, бөйөрҙөң йәрәхәтләнгән ерен ҡаплау өсөн материал алыу ысулы һ.б. эшләнгән, БР‑ҙа урологияла һәм генекологияла лапароскопик, ағзалар һаҡлаусы һәм радикаль операциялар индерелгән. “Вестник Башкирского государственного медицинского университета” (“Башҡорт дәүләт медицина университеты хәбәрҙәре”) электрон журналының (2012—21), “Креативная хирургия и онкология” (“Креатив хирургия һәм онкология”) журналының (2017 й. алып) баш мөхәррире. Рәсәй урологтары йәмғиәтенең Башҡортостан бүлексәһе рәйесе (1999 й. алып). БР Дәүләт Йыйылышы — Ҡоролтайҙың 5‑се саҡырылыш депутаты. Пирогов (2022), Григорий Аксаков (2020) ордендары менән бүләкләнгән.

  Х е ҙ м.: Урологии Башкортостана 60 лет. Уфа, 2008 (авторҙ.); Урология: национальное руководство. М., 2009 (авторҙ.); Геморрагическая лихорадка с почечным синдромом. Актуальные вопросы патогенеза, клиники, диагностики и лечения. М., 2019 (авторҙ.).

Тәрж. Г.Ҡ.Ҡунафина

Дата публикации: 10.10.2019
Дата последнего обновления публикации: 05.05.2023
Связанные статьи: