ӘҺЛИУЛЛИН Хәмит Шәмсетдин улы
ӘҺЛИУЛЛИН Хәмит Шәмсетдин улы [20.3.1919, Өфө губернаһы шул уҡ исемле өйәҙе Өйҙөрәкбаш а. (БР‑ҙың Благовар районы) — 15.10.1943, Белорус ССР‑ының Лоев ҡсб янында], Советтар Союзы Геройы (1943). Б.В. һуғышында ҡатнашыусы. 1939 й. алып Ҡыҙыл армияла. 1943 й. февраленән Үҙәк фронтта хеҙмәт итә. Герой исеменә 65‑се армияның 106‑сы уҡсылар дивизияһы 43‑сө уҡсылар полкының отделение командиры өлкән сержант Ә. 1943 й. 15 октябрендә Днепр й. аша сыҡҡанда һәм уң ярҙағы плацдармды нығытҡанда күрһәткән батырлығы өсөн үлгәндән һуң лайыҡ була. Ленин (1943), Ҡыҙыл Йондоҙ (1943) ордендары менән бүләкләнгән. Ә. исеме тыуған ауылындағы урамға һәм урта мәктәпкә бирелгән, уға һәйкәл ҡуйылған.
Әҙәб.: И ш м а е в З. Искра //Славные сыны Башкирии. Кн.1. Уфа, 1965.
И.Ғ.Кәримова
Тәрж. М.Х.Хужин