РӘХМӘТУЛЛИНА Ирина Робинзон ҡыҙы
РӘХМӘТУЛЛИНА Ирина Робинзон ҡыҙы (8.3.1970, ТАССР‑ҙың Ҡыҙылъяр ҡсб), онколог. Медицина фәндәре докторы (2005). БДМИ‑ны тамамлағандан һуң (1993) “Сода” ААЙ‑ның (Стәрлетамаҡ ҡ.) медицина‑санитария бүлегендә эшләй. 1999 й. алып БДМУ‑ла: уҡытыусы, бер үк ваҡытта 2002—12 йй. диссертацион советтың ғилми секретары, 2012 й. башлап дауалау факультеты деканы, 2016 й. — фәнни эштәр буйынса проректор. Фәнни эшмәкәрлеге онкогинекология проблемалары, ракты иҫкәртеү, түллек биҙҙәре, балаятҡы муйынтығы, һөт биҙе, ашҡаҙан аҫты биҙе, ашҡаҙандың шеш ауырыуҙарын диагностикалау һәм дауалау ысулдарын камиллаштырыу, онкологияла прогнозлау факторҙарын, БР халҡының яман шештәрҙән ауырыу һәм үлеү сәбәптәрен өйрәнеү менән бәйле. Р. ҡатнашлығында шеш патологияһы буйынса хәүеф янаған төркөмдәрҙе асыҡлау өсөн скрининг тикшереү ысулдары, РФ‑та юғары профессиональ (медицина) белем биреүҙе мәғлүмәтләштереүҙең фәнни‑техник нигеҙҙәре эшләнә. БР‑ҙың фән һәм техника өлкәһендәге Дәүләт премияһы лауреаты (2009).
Х е ҙ м.: Предпосылки и пути совершенствования онкологической помощи (на примере Республики Башкортостан). Уфа, 2013 (авторҙ.); Рак желудка. Уфа, 2014 (авторҙ.); Рак молочной железы: руководство для врачей. М., 2015 (авторҙ.).
Тәрж. Г.Ҡ.Ҡунафина