БУСАРГИН Николай Матвеевич

БУСАРГИН Николай Матвеевич (11.11.1919, Өфө губернаһы Бәләбәй өйәҙе Покровка а. — 26.7.1990, Нальчик ҡ.), Советтар Союзы Геройы (1946). Майор (1958). Б.В. һуғышында ҡатнашыусы. “Выстрел” Үҙәк офицерҙар курсын тамамлаған (Солнечногорск ҡ., 1958). 1939 й. алып Совет армияһында. 1941 й. июленән Көнбайыш, Көньяҡ‑Көнбайыш, Төньяҡ Кавказ, 2‑се һәм 3‑сө Украина фронттарында хеҙмәт итә. Герой исеменә 46‑сы армия 252‑се уҡсылар дивизияһы 932‑се уҡсылар полкының уҡсылар ротаһы командиры лейтенант Б. 1945 й. 29 мартында Дунай й. аша сыҡҡанда һәм 30 мартта Комарно ҡ. (Чехословакия) өсөн һуғышта күрһәткән батырлығы өсөн лайыҡ була. Запасҡа сыҡҡандан һуң (1959) Нальчик электровакуум заводында эшләй. Ленин (1946), 1‑се дәрәжә Ватан һуғышы (1985), Ҡыҙыл Йондоҙ (1943, 1945, 1954) ордендары менән бүләкләнгән. Дәүләкән районы Ивановка а. Б. һәйкәл, Нальчик ҡ. ул йәшәгән йортҡа мемориаль таҡтаташ ҡуйылған.

Әҙәб.: Золотые Звёзды Кабардино‑Балкарии. Нальчик, 1984.

И.Ғ.Кәримова

Тәрж. Д.К.Үзбәков