Для авторизации на текущем портале в Вашем профиле ЕСИА должно быть заполнено поле "Электронная почта"

Инергə
Төбәк интерактив энциклопедик портал «Башҡортостан»
Башҡортостан Республикаһы Фәндәр академияһы Башҡортостан Республикаһы “Башҡорт энциклопедияһы” дәүләт автономиялы фән учреждениеһы

АҒЫУЛЫ БӘШМӘК, аҡһыл томшоҡ

Просмотров: 624

АҒЫУЛЫ БӘШМӘК, аҡһыл томшоҡ (Amanita phalloides), базидиомицеттар класының аманит һымаҡтар ғаиләһенә ҡараған бәшмәк. Евразияла һәм Төньяҡ Америкала таралған. Эшләпәһенең диам. 5—10 см, йәш бәшмәктеке ҡыңғырау һымаҡ, һуңыраҡ яҫы ҡабарынҡы формала, тоноҡ йәшелдән һарғылт йәшел төҫкә тиклем, үҙәгенә ҡарай ҡараһыу. Өлгөргән эшләпәләренең пластинкалары айырым, аҡ. Һабының оҙонлоғо 8—12 см, ҡалынлығы 2 см тиклем, нигеҙенә ҡарай ҡалын, аҡ (һирәгерәк йәшкелт), буйлы яры балдаҡлы. Итсәһе аҡ. Ҡарт һәм кипкән А.б. насар сөсө еҫе бар. Япраҡлы ағастарҙың тамыры м‑н микоризаға инә.

Башҡортостанда киң япраҡлы урманда, дымлылыҡ күп булған урында үҫә (авг.—сентябрь). Тыштан А.б. ҡайһы бер пластинкалы бәшмәктәргә (һарыҡ бәшмәге, аҡ көләпәрә) оҡшаш. Емешлек тәндәре һәм споралары ағыулы. Ағыуланыу симптомдары 6—48 сәғәттән һуң беленә.

С.С.Хәйретдинов

Тәрж. М.Н.Моратшина

Дата публикации: 10.10.2019
Дата последнего обновления публикации: 18.10.2019