БИШӘҮҘӘР, Салауат р‑нындағы ауыл

БИШӘҮҘӘР, Салауат р‑нындағы ауыл, Арҡауыл а/ с ҡарай. Район үҙәгенән Т.‑Көнб. 32 км һәм Кропачёво т. юл ст. (Силәбе өлк.) Т. табан 61 км алыҫлыҡта Йүрүҙән й. буйында урынлашҡан. Халҡы: 1906 й. — 334 кеше; 1920 — 354; 1939 — 348; 1959 — 303; 1989 — 238; 2002 — 265; 2010 — 220 кеше. Башҡорттар йәшәй (2002). Башланғыс мәктәп (Арҡауыл урта мәктәбе филиалы) бар.

Ауылға Өфө өйәҙе Мырҙалар улусы башҡорттары үҙ ерҙәрендә нигеҙ һала, 1795 й. (33 йортта 127 кеше иҫәпкә алынған) алып билдәле. Исеме “бишәй” этнонимынан (ҡара: Мырҙалар) алынған. 1865 й. 38 йортта 274 кеше йәшәгән. Малс‑ҡ, умарт‑ҡ, игенселек м‑н шөғөлләнгәндәр. Мәсет булған. 1906 й. шөғөлдәр араһында ш. уҡ урман кәсептәре теркәлгән. Р.К.Кинзин ошо ауылда тыуған.

Ә.З.Әсфәндиәров

Тәрж. Р.Ғ.Ғилманов