Для авторизации на текущем портале в Вашем профиле ЕСИА должно быть заполнено поле "Электронная почта"

Инергə
Төбәк интерактив энциклопедик портал «Башҡортостан»
Башҡортостан Республикаһы Фәндәр академияһы Башҡортостан Республикаһы “Башҡорт энциклопедияһы” дәүләт автономиялы фән учреждениеһы

БАЖОВ Павел Петрович

Просмотров: 1225

БАЖОВ Павел Петрович (15.1.1879, Пермь губ. Екатеринбург өйәҙе Сысәрт Заводы ҡсб, хәҙ. Сысәрт ҡ., — 3.12.1950, Мәскәү, Свердловск ҡ. ерләнгән), яҙыусы. Б. ижадының төп жанры — хикәйәләр, уларҙа төп тема — ижади хеҙмәт, кеше бәхете һәм намыҫы. Әҫәрҙәренең төп геройҙары булып халыҡ оҫталары сығыш яһай [“Таш ҡумта” (“Малахитовая шкатулка”, 1939) һ.б.]. Байтаҡ хикәйәләренең нигеҙен башҡ. фольклоры мотивтары һәм образдары тәшкил итә: риүәйәттәр һәм легендаларҙың теле нескә итеп бирелә, хикәйәләүгә милли үҙенсәлек индерелә. “Алтын сәс” (“Золотой волос”), “Демидов кафтандары” (“Демидовские кафтаны”; икеһе лә — 1939), “Ҡояшлы таш” (“Солнечный камень”, 1942) хикәйәләре завод эшселәренең ҡыйырһытылыуы, башҡ. ерҙәрен һатып алыу, урлау хаҡында бәйән итә. “Оло тауҙар бүләге” (“Старых гор подаренье”, 1946) хикәйәһе — Салауат Юлаевҡа урыҫ оҫтаһы бүләк иткән ҡылыс т‑да легенда. Б. әҫәрҙәрен башҡ. теленә Н.Иҙелбай, Ж.Ғ.Кейекбаев һ.б. тәржемә иткән. Сталин ис. пр. лауреаты (1943).

Әҫәрҙ.: Сыуаҡ таш: хикәйәттәр. Өфө, 1948; Таш ҡумта: хикәйәттәр. Өфө, 1951; Көмөш тояҡ: хикәйәттәр. Өфө, 1961; Малахитовая шкатулка: сказы, повести. Уфа, 1989.

Әҙәб.: Башкирия в русской литературе. Т.4. Уфа, 1997; Ахметшин Б.Г. Отражение быта и устной поэзии башкир в сказах П.П.Бажова //Фольклор народов РСФСР. Уфа, 1979.

М.Ғәхимҡолов

Тәрж. Р.М.Шәрипова

Дата публикации: 10.10.2019
Дата последнего обновления публикации: 17.10.2019
Связанные темы рубрикатора: