АНТОНОВКА, Ғафури р‑нындағы ауыл, Аҡкүл а/ с ҡарай

АНТОНОВКА, Ғафури р‑нындағы ауыл, Аҡкүл а/с ҡарай. Район үҙәгенән Т.‑Көнб. 21 км һәм Аҡкүл т. юл ст. Көнс. табан 4 км алыҫлыҡта Аҡкүл буйында урынлашҡан. Халҡы: 1906 й. — 542 кеше; 1920 — 687; 1939 — 894; 1959 — 905; 1989 — 627; 2002 — 652; 2010 — 592 кеше. Сыуаштар йәшәй (2002). Урта мәктәп, фельдшер-акушерлыҡ пункты, клуб, китапхана бар.

Ауылға 19 б. уртаһында Стәрлетамаҡ өйәҙендә нигеҙ һалына. 1865 й. А. (Землянкин) 64 йортта 328 кеше йәшәгән. Игенселек, малс‑ҡ, умарт‑ҡ, һатыуға ағас әҙерләү, сана яһау м‑н шөғөлләнгәндәр. Ел тирмәне булған. 1906 й. башҡа милләттәр өсөн мәктәп, бакалея һәм шарап кибеттәре, мөгәзәй теркәлгән.

Ғ.Ш.Шәйәхмәтов

Тәрж. Р.Ғ.Ғилманов