ВАСИЛЬЕВ Владимир Иванович
ВАСИЛЬЕВ Владимир Иванович (26.9.1946, Өфө ҡ.), электрон техника инженеры. Техник фәндәр докторы (1990), профессор (1992). РФ‑тың (2003) һәм БР-ҙың (1997) атҡаҙанған фән эшмәкәре. ӨАИ‑ны тамамлағандан һуң (1970) шунда уҡ эшләй (1995—2017 йй. иҫәпләү техникаһы һәм мәғлүмәтте һаҡлау кафедраһы мөдире). Фәнни эшмәкәрлеге системалы анализға, ҡатмарлы динамик һәм ойоштороу-техник объекттар менән идара итеү проблемаларына арналған. В. тарафынан интеллектуаль идара итеү системаларын проектлау методологияһы эшләнә; авиация двигателдәренә, нефть һәм газ скважиналары быраулау ҡоролмаһына, мобиль робот-техник системаларға идара итеү системалары, корпоратив мәғлүмәт системалары уйлап табыла, улар РФ‑тың авиация, нефть, машиналар эшләү сәнәғәте тармаҡтары предприятиеларында индерелгән. БР ФА-ның Р.Р.Мәүлитов исемендәге премияһы лауреаты (2005).
Х е ҙ м.: Нейрокомпьютеры в авиации (самолёты). М., 2004 (авторҙ.); Информационно-управляющие системы в нефтедобывающей промышленности. М., 2008 (авторҙ.); Интеллектуальные системы управления: теория и практика. М., 2010 (авторҙ.).
Тәрж. Р.Ғ.Ғилманов