ВӘЛИЕВ Рифҡәт Нурый улы
ВӘЛИЕВ Рәфҡәт Нурый улы (15.10.1931, ТАССР‑ҙың Ташлыҡ а. — 8.1.2018, Өфө ҡ.), конструктор. Ҡазан авиация институтын тамамлағандан һуң (1962) 1993 й. тиклем ӨПЭПБ‑ла эшләй: 1964—72 йй., 1975—81 йй. һәм 1986—92 йй. КБ начальнигы, 1972—75 йй. цех начальнигы, 1981 й. алып баш конструктор урынбаҫары, 1984—86 йй. баш конструктор. В. етәкселегендә “Космос” сериялы юлдаштар өсөн команда‑иҫәпләү һәм иҫәпләү ҡорамалдары, “Восток”, “Восход”, “Союз” сериялы йыһан караптары, “Салют”, “Мир” орбиталь станциялары, “Прогресс” йөк ташыу карабы өсөн борт ҡоролмалары комплекттары, граждандар һәм хәрби самолёттарҙың пилотаж‑навигация комплекстары өсөн аппаратура эшләп сығарыу үҙләштерелгән. СССР‑ҙың Дәүләт премияһы лауреаты (1981). “Почёт Билдәһе” ордены менән бүләкләнгән (1976).
Тәрж. Г.Ҡ.Ҡунафина