ВӘХИТОВА Юлиә Венер ҡыҙы
ВӘХИТОВА Юлиә Венер ҡыҙы (17.10.1973, Өфө ҡ.), молекуляр биолог, фармаколог. РФА‑ның мөхбир ағзаһы (2016), биология фәндәре докторы (2007). В.А.Вәхитовтың ҡыҙы. БДМУ‑ны тамамлаған (1996). 1999 й. алып Биология һәм генетика институтында эшләй: 2003 й. башлап өлкән, 2009 й. — төп ғилми хеҙмәткәр, 2011 й. алып лаборатория мөдире. 2017 й. — В.В.Закусов исемендәге фармакология ҒТИ‑ның баш ғилми хеҙмәткәре. Фәнни эшмәкәрлеге яңы матдә —потенциаль клиник кандидат эҙләүгә, яңы дарыу препараттарының молекуляр кимәлдә тәьҫир итеү механизмдарын, иммун системаһының компетентлы күҙәнәктәренең функцияһын көйләүҙә нейромедиаторҙарҙың ролен өйрәнеүгә арналған. В. ҡатнашлығында химик берләшмәләр йыйылмаһын (уларҙан киләсәктә дарыу эшләү өсөн) клиникаға тиклемге скринингылау өсөн яңы быуын тест-системалары төҙөлә.
Хеҙм.: Идентификация генов-мишеней 5-амино-экзо-3-азатрицикло[5.2.1.02,6]декан-4-онана модели аритмии in vivo //Биоорганическая химия. 2011. Т.37. №6 (авторҙ.).
Тәрж. Г.А.Миһранова
