ӘБДИЕВ Рифғәт Фәйез улы

ӘБДИЕВ Рифғәт Фәйез улы [22.12. 1926, БАССР‑ҙың Стәрлетамаҡ кантоны Боҙаяҙ а. (БР‑ҙың Ҡырмыҫҡалы районы) — 6.4.2019, Мәскәү ҡ.], философ. Философия фәндәре докторы (1996). ӨАИ‑ны (1948), Ф.Э.Дзержинский исемендәге Артиллерия академияһын (Мәскәү ҡ., 1952) тамамлаған. 1948 й. алып “Уралмаш” заводында (Свердловск ҡ.) инженер‑конструктор, 1953 й. — Артиллерия академияһында уҡыта, 1955 й. — СССР Оборона министрлығының 4‑се Үҙәк ҒТИ (Мәскәү өлкәһенең Калининград ҡ. составындағы Болшево ҡсб) хеҙмәткәре, конструкторлыҡ бюроһы начальнигы, 1978 й. башлап Бөтә Союз машиналар эшләү ҒТИ хеҙмәткәре, 1983 й. — Мәскәү урман университетында, бер үк ваҡытта 1996 й. алып Мәскәү техник университетында, 1995—2001 йй. РФ Сит ил эштәре министрлығының Дипломатия академияһында (Мәскәү ҡ.) уҡыта. Фәнни тикшеренеүҙәре “мәғлүмәт цивилизацияһы” философик концепцияһын дәлилләүгә арналған.

Х е ҙ м.: Философия информационной цивилизации. М., 1994.

Тәрж. Ф.Ә.Ҡылысбаев