ҒАЙСИН Хәсән Нәзир улы

ҒАЙСИН Хәсән Нәзир улы [8.5.1908, Ырымбур губ. шул уҡ исемле өйәҙе Ҡарай а. (БР‑ҙың Көйөргәҙе р‑ны) — 12.8.1991, шунда уҡ], Советтар Союзы Геройы (1945). Б.В. һуғышында ҡатнашыусы. 1931—41 йй. Көйөргәҙе р‑нының В.М.Молотов ис. к‑зында эшләй. 1942 й. июненән Калинин, 1‑се Балтик буйы һәм 3‑сө Белоруссия фронттарында хеҙмәт итә. Герой исеменә 51‑се армия 204‑се уҡсылар див. 700‑сө уҡсылар полкының пулемёт расчёты ком. сержант Ғ. 1944 й. 19 июне — 6 авг. Белорус ССР‑ының Витебск, Суйково, Литва ССР‑ының Подскрапишка, Расчинаи һәм Скопишкис торама пункттары өсөн алыштарҙа күрһәткән батырлығы өсөн лайыҡ була. Демобилизациянан һуң (1945) 1968 й. тиклем Күмертау р‑нының В.И.Молотов ис. к‑зында һәм Мораптал с‑зында эшләй. Ленин (1945), 1‑се дәрәжә Ватан һуғышы (1985), 3‑сө дәрәжә Дан (1945) орд. м‑н бүләкләнгән. Ғ. исеме Көйөргәҙе р‑ны Кинйәабыҙ а. урамға бирелгән, тыуған ауылында һәм Ермолаевка а. Геройҙар аллеяһында (2018) уға һәйкәлдәр ҡуйылған.

Әҙәб.: Павлов Б. Земля солдата //Славные сыны Башкирии. Кн.2. Уфа, 1966.

И.Ғ.Кәримова

Тәрж. Д.К.Үзбәков