АНДРЕЕВ Кирилл Дементьевич
АНДРЕЕВ Кирилл Дементьевич [7.7.1901, Өфө губернаһы Бәләбәй өйәҙе Баҙлыҡ‑Васильевка а. (БР‑ҙың Бишбүләк районы) — 2.1.1972, БАССР‑ҙың Бишбүләк районы Бишбүләк а.]. Советтар Союзы Геройы (1943). Граждандар һәм Б.В. һуғыштарында ҡатнашыусы. 1941—45 йй. Төньяҡ‑Көнбайыш, Воронеж, 1‑се һәм 2‑се Украина фронттарында хеҙмәт итә. Герой исеменә 38‑се армияның 163‑сө уҡсылар дивизияһы 1318‑се уҡсылар полкы батальонының партия ойоштороусыһы лейтенант А. 1943 й. 3 октябрендә Киев ҡ. көньяҡҡараҡ Днепр й. аша сыҡҡанда һәм уң яҡ ярҙағы плацдармды киңәйткәндә күрһәткән батырлығы өсөн лайыҡ була. Запасҡа сыҡҡандан һуң (1945) Бишбүләк а. йәшәй һәм эшләй. Ленин ордены менән бүләкләнгән (1943). Бишбүләк а. Герой йәшәгән йортҡа, Бәләбәй ҡ. ул уҡыған педагогия колледжы бинаһына мемориаль таҡтаташтар ҡуйылған.
Әҙәб.: Е р о ш и н А. Память солдатского сердца //Славные сыны Башкирии. Кн.2. Уфа, 1966.
И.Г.Тарасов
Тәрж. Р.Й.Мәхийәнова