Для авторизации на текущем портале в Вашем профиле ЕСИА должно быть заполнено поле "Электронная почта"

Инергə
Төбәк интерактив энциклопедик портал «Башҡортостан»
Башҡортостан Республикаһы Фәндәр академияһы Башҡортостан Республикаһы “Башҡорт энциклопедияһы” дәүләт автономиялы фән учреждениеһы

АНИСКИН Михаил Александрович

Просмотров: 1804

АНИСКИН Михаил Александрович (19.11.1922, БАССР‑ҙың Өфө кантоны Костин Күле артеле — 25.6.1944, Белорус ССР‑ының Студёнка а. янында, Пустынки а. ерләнгән), танкист, гвардия лейтенанты (1943). Советтар Союзы Геройы (1945). Б.В. һуғышында ҡатнашыусы. Һарытау танк училищеһын тамамлаған (1943). 1941 й. алып Ҡыҙыл армияла. 1943 й. башлап Воронеж, Ялан, 2‑се Украина һәм 3‑сө Белоруссия фронттарында хеҙмәт итә. Герой исеменә 5‑се гвардия танк армияһы 3‑сө гвардия механизацияланған корпусы 8‑се гвардия механизацияланған бригадаһы 44‑се гвардия танк полкының танк командиры гвардия лейтенанты А. 1944 й. 25 июнендә Студёнка а. янындағы һуғышта күрһәткән батырлығы өсөн үлгәндән һуң лайыҡ була. Ленин ордены менән бүләкләнгән (1945). А. Иглин районы Иглин а. һәм Пустынки а. һәйкәлдәр ҡуйылған, шулай уҡ уның исеме Пустынки а. һәм Иглин районы Охлебинин а. мәктәптәренә  бирелгән.

Әҙәб.: Колядин Ф. “Считайте меня коммунистом!” //Славные сыны Башкирии. Кн.3. Уфа, 1968.

И.Ғ.Кәримова

Тәрж. Д.К.Үзбәков

 

 

 

И.Ғ.Кәримова
Дата публикации: 10.10.2019
Дата последнего обновления публикации: 19.08.2022