АХМЕДОВ Михаил Владимирович

АХМЕДОВ Михаил Владимирович (24.4.1925, Яңы Николаевка губ. Васильково а. — 27.8.1989, Воронеж ҡ.), Советтар Союзы Геройы (1943), полк. (1975). Б.В. һуғышында ҡатнашыусы. РСФСР ЮС‑ы ис. Мәскәү пехота уч‑щеһын тамамлаған (1957). 1943 й. алып Совет Армияһында. 1943 й. авг. башлап Үҙәк, 1‑се Белоруссия һәм 1‑се Балтик буйы фронттарында хеҙмәт итә. Герой исеменә 60‑сы армия 75‑се гвардия уҡсылар див. 241‑се гвардия уҡсылар полкының гвардия рядовойы разведчик А. 22 сент. Десна һәм Днепр йй. аша сыҡҡанда һәм Украина ССР‑ы Глебовка а. эргәһендәге һуғышта күрһәткән батырлығы өсөн лайыҡ була. 1965 й. алып запаста. Воронежда йәшәй һәм эшләй. Ленин (1943), 1‑се (1945, 1985) һәм 2‑се (1944) дәрәжә Ватан һуғышы, Ҡыҙыл Йондоҙ (1944) орд. һәм сит ил орд. м‑н бүләкләнгән. А. исеме Силәбе ҡ. 10‑сы урта мәктәпкә бирелгән; Воронежда ул йәшәгән йортҡа мемориаль таҡтаташ (2002), Украинаның Чернигов өлк. Десна ҡасабаһында бюст ҡуйылған.

Әҙәб.: Уткин Г.М. Герои Днепра. М., 1960; Ими гордится Туркменистан. Ашхабад, 1973.

Ғ.Һ.Булатов, А.Н.Пинтсон

Тәрж. Д.К.Үзбәков