АЛТАҠАР

АЛТАҠАР, Алсағыр (16 б. 1‑се ярт.), Нуғай мырҙаһы, Иҙеүкәй нәҫеленән. Муса бейҙең улы, Исмәғил м‑н Йософтоң туғаны. Баҫманға яҡын кешеләр иҫәбендә була. Баҫман яҡлауын алған Байтирәк мырҙа м‑н ер өсөн бәхәскә инә. А. үҙ улусы м‑н Эмба й. буйына күсеп китергә мәжбүр була, унан Баҫман биләмәләренә сапҡындар яһай. Баҫман һәләк булғандан һуң, үҙ йоғонтоһон Башҡортостандың көньяғына һәм көньяҡ‑көнсығышына йәйелдерә. Аҡназар ғәскәрҙәре м‑н һуғышта тар‑мар ителә һәм үлтерелә.

С.И.Хәмиҙуллин

Тәрж. Д.К.Үзбәков