БУДИЛОВ Владимир Васильевич
БУДИЛОВ Владимир Васильевич (20.1.1946, Приморье крайы Хороль а. — 29.8.2017, Өфө ҡ.), инженер-механик. Техник фәндәр докторы (1995), профессор (1997). БР‑ҙың атҡаҙанған фән эшмәкәре (2007). ӨАИ‑ны тамамлаған (1969), 1976 й. алып шунда уҡ эшләй. Фәнни эшмәкәрлеге вакуумлы ион-плазмалы технологияларҙың физик нигеҙҙәрен өйрәнеүгә арналған. Б. электрланған өлөшсәләрҙең конструкция материалдарының өҫкө йөҙө менән үҙ-ара тәьҫир итешеү процестарын, конструкция ҡоростарының һәм өҫтө вакуумлы ион-плазмалы ҡаплаулы иретмәләрҙең файҙаланыу үҙенсәлектәрен формалаштырғанда технологик нәҫеллек эффекты булыуын өйрәнә.
Хеҙм.: Интегрированные вакуумные ионно-плазменные технологии обработки деталей газотурбинных двигателей: физические основы, моделирование, проектирование. 2-е изд. Уфа, 2004 (авторҙ.); Технология вакуумной ионно-плазменной обработки. М., 2007 (авторҙ.); Нанотехнологии обработки поверхности деталей на основе вакуумных ионно-плазменных методов: физические основы и технические решения. М., 2008 (авторҙ.).
В.С.Мухин
Тәрж. Р.Ғ.Ғилманов