Для авторизации на текущем портале в Вашем профиле ЕСИА должно быть заполнено поле "Электронная почта"

Инергə
Төбәк интерактив энциклопедик портал «Башҡортостан»
Башҡортостан Республикаһы Фәндәр академияһы Башҡортостан Республикаһы “Башҡорт энциклопедияһы” дәүләт автономиялы фән учреждениеһы

АБЫҘБАЕВ Измаил Ибраһим улы

Просмотров: 883

АБЫҘБАЕВ Измаил Ибраһим улы (11.1.1929, Өфө — 4.9.1997, шунда уҡ), тау инженеры. Техник ф. д‑ры (1988). БАССР‑ҙың атҡ. фән һәм техника эшмәкәре (1977), нефть сәнәғәте отличнигы (1971). И.Х.Абыҙбаевтың улы. И.М.Губкин ис. Мәскәү нефть ин‑тын тамамлағандан һуң (1971) БАССР‑ҙың нефть промыслаларында эшләй. 1956 й. башлап Башҡ‑н нефть ғилми-тикшеренеү һәм проект ин‑тында: 1975 й. алып ғилми эштәр б‑са дир. урынбаҫары, 1986 й. — баш ғилми хеҙм‑р. Фәнни тикшеренеүҙәре нефть һаҡламдарын сығарыуы ауыр булған ятҡылыҡтарҙы асыу, ҡатламдарҙың нефть биреүсәнлеге геол.-физик һәм технологик факторҙар комплексына бәйле булыуының геол.‑статик моделдәрен эшләү м‑н бәйле. А. етәкс. Арлан нефть ятҡылығын, Маншыр нефть ятҡылығын, Шкапов нефть ятҡылығын һ.б., ш. уҡ Алжир һәм Иран нефть ятҡылыҡтарын эшкәртеү проекттары төҙөлгән. 150‑гә яҡын фәнни хеҙмәт авторы. “Почёт Билдәһе” орд. м‑н бүләкләнгән (1976).

Хеҙм.: Разработка нефтяных месторождений при режиме растворённого газа. М., 1962 (авторҙ.); Повышение эффективности разработки водонефтяных зон месторождений Башкирии. Өфө, 1978 (авторҙ.); Разработка залежей с трудноизвлекаемыми запасами нефти Башкортостана. Уфа, 1994 (авторҙ.).

А.Н.Күсәев

Тәрж. Р.Ғ.Ғилманов

Дата публикации: 10.10.2019
Дата последнего обновления публикации: 17.10.2019