ӘХМӘТЙӘНОВ Зәйнетдин Низаметдин улы
ӘХМӘТЙӘНОВ Зәйнетдин Низаметдин улы [21.9.1897, Өфө губернаһы Стәрлетамаҡ өйәҙе Яңғыҙҡайын а. (БР‑ҙың Ғафури районы) – 30.1.1990, Өфө ҡ.], Советтар Союзы Геройы (1944). Граждандар һәм Б.В. һуғыштарында ҡатнашыусы. 1930—41 йй. Ғафури районының “Ҡыҙыл яр” колхозында эшләй. 1943 й. алып Төньяҡ‑Көнбайыш, 1‑се Украина, 1‑се һәм 2‑се Белоруссия фронттарында хеҙмәт итә. Герой исеменә 1‑се гвардия танк армияһының 11‑се гвардия танк корпусы 134‑се айырым гвардия сапёрҙар батальоны сапёры гвардия ефрейторы Ә. 1944 й. 30 июлендә Сандомир ҡ. (Польша) көньяҡтараҡ Висла й. һул ярына десант сығарғанда күрһәткән батырлығы өсөн лайыҡ була. Демобилизациянан һуң (1945) Ғафури районындағы Ленин исемендәге колхозда эшләй. 1960 й. алып Өфө ҡ. йәшәй. Ленин (1944), 1‑се (1985) һәм 2‑се (1945) дәрәжә Ватан һуғышы, Ҡыҙыл Йондоҙ (1945) ордендары менән бүләкләнгән. Яңғыҙҡайын урта мәктәбендә Ә. музейы асылған; Өфө ҡ. ул йәшәгән йортҡа мемориаль таҡтаташ, тыуған ауылында бюст ҡуйылған.
Әҙәб.: М э р г э н К. Труд солдата //Славные сыны Башкирии. Кн.2. Уфа, 1966.
Тәрж. М.Х.Хужин