ӘХТӘМОВ Ибраһим Әбүсүғүт улы
ӘХТӘМОВ Ибраһим Әбүсүғүт улы (9.5.1880, Өфө ҡ. — 14.10.1936, Мәскәү ҡ.), революция хәрәкәте эшмәкәре. Ә.Ә.Әхтәмовтың улы. 1901—17 йй. РСДРП ағзаһы. Ҡазан университетының юридик факультетында уҡыған (1901 й. ҡыуыла). Быуат башында Ҡазан, Өфө, Харьков ҡҡ. һәм Таврия губернаһында партия эшендә була. 1903—06 йй. революцион эшмәкәрлеге өсөн бер нисә тапҡыр ҡулға алына һәм һөргөнгә ебәрелә. 1910 й. тирәһендә Өфө округ судының присяжный вәкиле, 1913—16 йй. һәм 1918 й. Өфө ҡала думаһы гласныйы. 1917 й. яҙында Өфө эшсе һәм һалдат депутаттары советы ағзаһы, РСДРП‑ның Өфө берләштерелгән ойошмаһы комитеты рәйесе, көҙөндә Өфө меньшевиктар ойошмаһы рәйесе. 1917—18 йй. Бөтә Рәсәй мосолман шураһы ағзаһы, Өфө дәүләт кәңәшмәһендә ҡатнашыусы. 1922 й. алып СССР Үҙәк ҡулланыусылар йәмғиәте союзы юрисы (Мәскәү ҡ.). 1‑се Бөтә Рәсәй мосолмандары съезында ҡатнашыусы.
Әҙәб.: Ибн.Ә.Әхтәмов мәҡ. ҡарағыҙ.
Тәрж. М.Х.Хужин