Для авторизации на текущем портале в Вашем профиле ЕСИА должно быть заполнено поле "Электронная почта"

Инергə
Төбәк интерактив энциклопедик портал «Башҡортостан»
Башҡортостан Республикаһы Фәндәр академияһы Башҡортостан Республикаһы “Башҡорт энциклопедияһы” дәүләт автономиялы фән учреждениеһы

АНОЩЕНКО Николай Дмитриевич

Просмотров: 1276

АНОЩЕНКО Николай Дмитриевич (25.10.1894, Белгород ҡ. — 14.12.1975, Мәскәү), кинорежиссёр, кинооператор, сценарист. Проф. (1940). Юғары хәрби осоусылар мәктәбен (Петроград, 1916), Дәүләт кинематография техникумын (Мәскәү, 1927) тамамлаған, 1925—27 йй. Германияла кино техникаһын өйрәнә. 1909—24 йй. авиацияла эшләй, бер үк ваҡытта 1913 й. алып — кинола. 1927—56 йй. Бөтә Рәсәй дәүләт кинематография ин‑тында уҡыта. 1930 й. Башҡортостан т‑да документаль‑этнографик фильмдар төшөргән: “Азия сигендә” (“На границе Азии”), “Совет әкиәте” (“Советская сказка”; Әбйәлил р‑нының “Красная Башкирия”с‑зы т‑да), “Башкирка” (башҡорт аты т‑да поэтик хикәйә; ҡара: Документаль кино). Уҡыусыһы: Ғ.Ғ.Әмиров. А. исеме м‑н Белгородтағы урам аталған.

Хеҙм.: На границе Азии // Кино и жизнь. 1930. № 26.

Р.М.Йәнгиров

Тәрж. Г.С.Балтабаева

Дата публикации: 10.10.2019
Дата последнего обновления публикации: 17.10.2019
Связанные темы рубрикатора: