БЕСПАЛОВ Александр Геннадьевич

БЕСПАЛОВ Александр Геннадьевич (10.5.1981, Яр Саллы ҡ.), спортсы. Велосипед спорты буйынса Рәсәйҙең халыҡ-ара класлы спорт мастеры (2001). “Ағиҙел” олимпия әҙерлеге үҙәге тәрбиәләнеүсеһе (тренеры Р.Н.Латипов). Шәхси уҙышта Рәсәй чемпионы (2001, 2004, 2006), донъя чемпионаттарының көмөш (2002) һәм бронза (2003) призёры, Европа чемпионатының көмөш призёры (2001—02), Рәсәй чемпионаттарының көмөш (2003, 2005) һәм бронза (2007) призёры, төркөмдәр уҙышында Рәсәй чемпионы (2002), хәрби хеҙмәткәрҙәр араһында донъя чемпионы (2004). Рәсәй йыйылма командаһы ағзаһы (1999—2007 йй.).

Тәрж. Г.Ҡ.Ҡунафина