ЕГОРОВ Михаил Анисимович

ЕГОРОВ Михаил Анисимович (13.1.1905, Өфө губернаһы Бәләбәй өйәҙе Яңы Михайловка а., хәҙер БР‑ҙың Шаран районы Михайловка а., — 27.1.1945, Кёбен ҡ. янында, Германия), Советтар Союзы Геройы (1945). Б.В. һуғышында ҡатнашыусы. 1935—37 йй. Шаран районы Базилевка ауыл советы секретары, эштәр идарасыһы, 1939 й. алып ВКП(б)‑ның Шаран район комитеты секретары. 1937 й. башлап “За Ленинский путь” (“Ленин юлы өсөн”) гәзитенең яуаплы секретары. 1944 й. июленән 1‑се Украина фронтында хеҙмәт итә. Герой исеменә 13‑сө армия 121‑се гвардия уҡсылар дивизияһы 340‑сы гвардия уҡсылар полкының взвод командиры өлкән лейтенант Е. 1945 й. 14—26 ғинуарында. Кельце ҡ. (Германия) янында барған алыштарҙа һәм Кёбен ҡ. эргәһендә Одер й. аша сыҡҡанда күрһәткән батырлығы өсөн үлгәндән һуң лайыҡ була. Ленин (1945), Ҡыҙыл Йондоҙ (1944) ордендары менән бүләкләнгән. Е. исеме Баҙғыя а. урта мәктәпкә, Шаран а. урамға бирелгән (икеһе лә — Шаран районы), шулай уҡ Шаран а. уға мемориаль плита ҡуйылған.

 Әҙәб.: К о л я д и н Ф. Последний приказ командира //Славные сыны Башкирии. Кн.3. Уфа, 1968.

И.Ғ.Кәримова

Тәрж.Ә.Н.Аҡбутина