АРТЮШКОВ Игорь Викторович
АРТЮШКОВ Игорь Викторович (30.1.1950, Черкассы ҡ.), тел белгесе. Филология фәндәре докторы (2004), профессор (2012). БР‑ҙың мәғариф отличнигы (2000), РФ‑тың почётлы юғары профессиональ белем биреү хеҙмәткәре (2007). О.В.Артюшкованың ҡустыһы. БДПИ‑ны тамамлағандан һуң (1974) шунда уҡ уҡыта (өҙөклөктәр менән): 1987—96 йй., 2007—21 йй. урыҫ теле кафедраһы мөдире; 1981—82 йй. Смоленск педагогия институтында уҡыта. Фәнни эшмәкәрлеге хәҙерге урыҫ теле синтаксисы мәсьәләләренә арналған.
Х е ҙ м.: Внутренняя речь и её изображение в художественной литературе (на материале романов Ф.М.Достоевского и Л.Н.Толстого). М., 2003.
Тәрж. Ә.Н.Аҡбутина