БАШҠОРТОСТАН ТРОЛЛЕЙБУС ЗАВОДЫ
БАШҠОРТОСТАН ТРОЛЛЕЙБУС ЗАВОДЫ, ААЙ. Троллейбустар һәм уларға комплектлау деталдәре етештергән, троллейбустарға капиталь ремонт үткәргән. Өфө ҡ. урынлашҡан. Составына троллейбустар йыйыу, кузовтар етештереү, механика, энергетика-механика, инструмент һәм транспорт цехтары ингән. 2010 й. 205 кеше эшләгән. 1998 й. тәүге троллейбус сығарылған, 2011 й. ҡарата 4 модель (7 модификация) етештереү үҙләштерелгән. Продукцияһы БР‑ҙа һәм РФ‑тың башҡа төбәктәрендә һатылған, яҡын сит илдәргә сығарылған.
1968 й. нигеҙ һалына, 1980 й. Өфө трамвай-троллейбус ремонтлау заводы булараҡ файҙаланыуға индерелә, 1993 й. алып муниципаль предприятие, 1994 й. хәҙерге статусын ала, 1999 й. алып Башҡортостан троллейбус заводы, 2017 й. ябыла.
Тәрж. Р.Х.Сәғитов