Для авторизации на текущем портале в Вашем профиле ЕСИА должно быть заполнено поле "Электронная почта"

Инергə
Төбәк интерактив энциклопедик портал «Башҡортостан»
Башҡортостан Республикаһы Фәндәр академияһы Башҡортостан Республикаһы “Башҡорт энциклопедияһы” дәүләт автономиялы фән учреждениеһы

ДЁМА Леонид Васильевич

Просмотров: 1349

ДЁМА Леонид Васильевич (18.6.1916, Өфө губ. Стәрлетамаҡ өйәҙе Михайловка а. — 17.12.2004, Магнитогорск ҡ.), лётчик, гвардия полковнигы (1995). Советтар Союзы Геройы (1944). Б.В. һуғышында ҡатнашыусы. Ҡазан инструктор-лётчиктар мәктәбен тамамлағандан һуң (1934) Силәбе аэроклубы инструкторы булып эшләй. 1941 й. алып Совет Армияһында. Окт. башлап Көнбайыш, Сталинград, Көньяҡ, Төньяҡ Кавказ, Воронеж һәм 1‑се Украина фронттарында хеҙмәт итә. Герой исеменә 2‑се һауа армияһы 10‑сы гвардия истребителдәр авиация див. 112‑се гвардия истребителдәр авиация полкы ком. ярҙамсыһы капитан Д. 38 һауа һуғышында дошмандың 22 самолётын юҡ иткәне өсөн (1944 й. июленә ҡарата) лайыҡ була. Запасҡа сыҡҡандан һуң (1946) Ставрополь аэроклубында, 1949 й. алып Камчатка һәм Поляр түңәрәгенең аръяғында граждандар авиацияһында, 1962—72 йй. Магнитогорскиҙа эшләй. Ленин (1944), Ҡыҙыл Байраҡ (1943, 1945), 1‑се (1985) һәм 2‑се (1943) дәрәжә Ватан һуғышы, Ҡыҙыл Йондоҙ (1942) орд., сит ил орд. м‑н бүләкләнгән. Д. исеме Магнитогорскиҙағы урамға һәм Оборона йортона бирелгән, уның бинаһына мемориаль таҡтаташ ҡуйылған.

Әҙәб.: Услинский Г. Лётные фрагменты //Славные сыны Башкирии. Кн.4. Уфа, 1979.

Ғ.Һ.Булатов, А.Н.Пинтсон

Тәрж. Д.К.Үзбәков

Дата публикации: 10.10.2019
Дата последнего обновления публикации: 08.11.2019