РӘСӘЙ ФЕДЕРАЦИЯҺЫ ГЕРОЙЫ

РӘСӘЙ ФЕДЕРАЦИЯҺЫ ГЕРОЙЫ, Рәсәйҙә иң юғары почётлы исем. 1992 й. 20 мартындағы «Рәсәй Федерацияһы Геройы исемен индереү һәм махсус айырма билдәһе — “Алтын Йондоҙ” миҙалы булдырыу тураһында»ғы РФ законы м‑н булдырыла. Исем РФ Президенты тарафынан бирелә һәм алына. Геройға махсус айырма билдәһе — “Алтын Йондоҙ” миҙалы һәм исем бирелеү т‑да грамота тапшырыла. 2018 й. ҡарата Р.Ф.Г. исеменә — 1090, ш. иҫ. Башҡортостан Республикаһынан 20 һәм башҡа төбәктәрҙән килеп, республикала бер йылдан ашыу йәшәгән 8 (А.И.Анощенков, А.В.Блохин, А.В.Омельяненко — бөтәһе лә Өфө юғары хәрби авиация лётчиктар уч‑щеһын тамамлаусылар; Г.Г.Быстрицкий, Г.И.Гусляков, Н.А.Злобин, П.А.Петрачков, А.А.Сафронов) кеше лайыҡ була. Был исемгә Быстрицкий, Гусляков, П.В.Еремеев һәм Д.П.Плотников — Бөйөк Ватан һуғышында күрһәткән батырлығы өсөн, Анощенков, Блохин, А.В.Доставалов, Злобин, Р.Р.Ихсанов, А.В.Квашнин, Ю.С.Климов, А.Р.Ҡорбанғәлиев, Омельяненко, А.В.Панфилов, Петрачков, М.М.Рафиҡов, А.А.Романов, Сафронов, Р.Р.Сәхәбетдинов, В.Е.Трубанов, С.З.Тулин, В.Р.Әлимов һәм Ф.А.Яҡупов Төньяҡ Кавказдағы хәрби хәрәкәттәр ваҡытында күрһәткән ҡыйыулығы өсөн лайыҡ була.

М.Ә.Бикмәев, Е.А.Смирнов

Тәрж. М.Х.Хужин

Рәсәй Федерацияһы Геройҙары