ДӘҮЛӘТҠОЛОВ Әхмәт Хажмөхәмәт улы

ДӘҮЛӘТҠОЛОВ Әхмәт Хажмөхәмәт улы (17.7.1944, БАССР‑ҙың Архангел районы Муллаҡай а.), философ. Философия фәндәре докторы (1999), профессор (2001). БР‑ҙың атҡаҙанған халыҡ мәғарифы хеҙмәткәре (2004), РФ-тың почётлы юғары профессиональ белем биреү хеҙмәткәре (2012). БДУ‑ны тамамлағандан һуң (1970) Архангел һәм Стәрлетамаҡ райондары мәктәптәрендә, 1982 й. алып Өфө районының “Правда” колхозында эшләй. 1985 й. башлап БДУ‑ла, 1992—2017 йй.  БДПУ‑ла (2004—09 йй. башҡ. әҙәбиәте һәм мәҙәниәте кафедраһы мөдире) уҡыта. Фәнни эшмәкәрлеге башҡ. эпик хикәйәттәренең философик һәм донъяға ҡараш аспекттарын өйрәнеүгә бәйле. Аҡмулла исемендәге премия лауреаты (2014).

  Х е ҙ м.: Проблемы художественно-эстетического осмысления истории этноса в башкирском эпосе: опыт социально-философского анализа. Уфа, 1998; История этноса и его социально-духовная жизнь в эпической поэзии башкир (социально-философский анализ). Уфа, 2012.

Тәрж. М.Ә.Ҡотлоғәлләмов