ҒӘЛИМОВ Олег Владимирович
ҒӘЛИМОВ Олег Владимирович (25.8.1962, Өфө), хирург. Мед. ф. д‑ры (1995), проф. (1998). БР-ҙың атҡ. фән эшмәкәре (2003), БР-ҙың атҡ. табибы (1998). БДМИ‑ны тамамлағандан һуң (1985) шунда уҡ эшләй: 1997 й. алып дауалау ф‑ты деканы, 2005 й. — хирургик ауырыуҙар һәм дипломдан һуң белем биреү ин‑тының яңы технологиялар каф. мөдире, бер үк ваҡытта 2011—16 йй. БДМУ клиникаһының баш табибы. Фәнни тикшеренеүҙәре сей яра ауырыуын һәм ҡорһаҡ ҡыуышлығы ағзаларының ҡатнаш ауырыуҙарын диагностикалау һәм дауалау проблемаларына арналған. Ғ. тарафынан бариартрик, эндоскопик хирургия алымдары эшләнгән, улар республиканың дауалау-иҫкәртеү учреждениеларында индерелгән. 1000‑дән ашыу фәнии хеҙмәт һәм 102 уйлап табыу авторы.
Хеҙм.: Выбор метода имплантационной герниопластики при вентральных грыжах. Уфа, 2005 (авторҙ.); Особенности хирургического лечения абдоминальной патологии у больных с ожирением. Ростов-на-Дону, 2006 (авторҙ.).
Тәрж. Г.Ҡ.Ҡунафина