ДӘҮЛӘКӘН АЯҠ КЕЙЕМЕ ФАБРИКАҺЫ

ДӘҮЛӘКӘН АЯҠ КЕЙЕМЕ ФАБРИКАҺЫ. Күн һәм яһалма материалдарҙан балалар өсөн аяҡ кейеме сығарған. 1941 й. эвакуацияланған Волчанск балалар аяҡ кейеме ф‑каһы нигеҙендә ойошторола. 1960—92 йй. “Башкиробувь” берекмәһе составына инә, 2001 й. алып ДУП, 2004 й. — ААЙ, 2010 й. ябыла. Составына бесеү, тегеү цехтары ингән. 2005 й. 384 кеше эшләгән. Продукцияһы БР-ҙа һәм РФ-тың башҡа төбәктәрендә һатылған, 1980—85 йй. Куба, Монголия, Польшаға сығарылған.

А.М.Банящук

Тәрж. Г.Ҡ.Ҡунафина