ДӘҮЛӘКӘН ИГЕН ПРОДУКТТАРЫ КОМБИНАТЫ №2

ДӘҮЛӘКӘН ИГЕН ПРОДУКТТАРЫ КОМБИНАТЫ №2, он, ҡатнаш мал аҙығы һ.б. етештереү пр‑тиеһы. 1905 й. “Якорь” тирмәне булараҡ ойошторола, 1908 й. файҙаланыуға тапшырыла (хужалары: А.Петерс, Г.Пеннер, Г.Тиссен; 1920 й. һуң национализациялана). 20‑се йй. аҙағынан “Союзхлеб” берекмәһе Башҡ‑н өлкә контораһының 3‑сө тирмән з‑ды булараҡ билдәле, 1933 й. алып Башҡ‑н он тартыу тресы, 1957 й. — Башҡ‑н иген продукттары идаралығы (ҡара: “Башхлебопродукт”) составында, 1997 й. — “Башхлебоптицепром” ДУАХП‑ның бүлендек пр‑тиеһы, 2000 й. — “Башптицепром” ДУАХП‑ның бүлендек пр‑тиеһы; 1975 й. башлап 2‑се Д.и.п.к., 2006 й. ябыла. Составына тирмән з‑ды (1905 й. нигеҙләнгән) һәм ҡатнаш мал аҙығы з‑ды (1956) ингән. Продукцияһы БР‑ҙа һәм РФ‑тың башҡа төбәктәрендә һатылған.

Тәрж. Г.Ҡ.Ҡунафина