КИЛЕМ ТУРАҺЫНДА ДЕКЛАРАЦИЯ
КИЛЕМ ТУРАҺЫНДА ДЕКЛАРАЦИЯ (лат. declaratio — иғлан итеү, белдереү), устав м‑н билдәләнгән формалағы бланкыла календарь йылы өсөн алынған килем һәм уның сығанаҡтары, киткән сығымдар, һалым льготалары һәм иҫәпләнгән һалым суммаһы т‑да һалым түләүсенең яҙма ғаризаһы. Килемгә декларация яһау РФ‑та 1992 й. индерелә. РФ Һалым кодексының (2000) 2‑се өлөшөнә ярашлы декларация шәхси эшҡыуарҙар һәм шәхси практика алып барыусылар, ш. уҡ отчёт йылы дауамында милектән килем алыусы (хаҡ түләтеп файҙаланыуға, ҡуртымға биреү, һатыу) физик шәхестәр, лотереяларҙан отош алыусылар һ.б. тарафынан тапшырыла. Респ. (РФ‑та тәүге тапҡыр) һалым түләүселәрҙең идентификацион номерҙары б‑са мәғлүмәттәрҙе автоматлаштырылған йыйыу һәм эшкәртеү индерелгән. 2011 й. респ. 189 меңдән ашыу К.т.д. бирелгән. Уҙған йыл өсөн уҡыуға, дауаланыуға, торлаҡ һатып алыу йәки төҙөүгә һ.б. киткән сығымдар суммаһына соц. һалым льготаларына хоҡуғы т‑да 60 меңдән ашыу һалым түләүсе ғариза биргән. Соц. һалымдар өсөн тотолған аҡса суммаһы 1768 млн һум тәшкил иткән.
В.М.Резбаев
Тәрж. Г.Ҡ.Ҡунафина
БР-ҙа физик шәхестәр килеменә декларация яһау
|
|
1993 |
1997 |
2000 |
2004 |
2010 |
|
Килемдәренә декларация яһалырға тейешле кешеләр һаны |
21981 |
143895 |
95220 |
107600 |
70435 |
|
Килем т‑да алынған декларациялар һаны, берәмек |
20107 |
119000 |
84004 |
141900 |
189532 |
|
Алынған бөтә декларациялар б‑са түләнергә тейешле һалым суммаһы, мең һум |
969* |
29153* |
33919 |
73884 |
2822745 |
|
Тикшерелгән декларациялар һаны, берәмек |
12822 |
104696 |
81696 |
133000 |
189532 |
|
Тикшерелгән декларациялар һөҙөмтәһе б‑са өҫтәп иҫәпләнгән һалым суммаһы, мең һум |
513* |
1078* |
1264 |
32200 |
530531 |
*деноминацияланған суммаларҙа
