ҒАБДУЛЛИН Вил Ҡәүи улы
ҒАБДУЛЛИН Вил Ҡәүи улы (24.5.1961, Өфө ҡ.), спортсы. Кикбоксинг буйынса Рәсәйҙең халыҡ‑ара класлы спорт мастеры (2003). БР‑ҙың күренекле спортсыһы (1996). ӨНИ‑не (1989), РФ Президенты эргәһендәге Рәсәй халыҡ хужалығы һәм дәүләт хеҙмәте академияһын (Мәскәү ҡ., 2012) тамамлаған. Донъя (41 тапҡыр, 2007—19), Европа (2 тапҡыр, 2011), БДБ (1995), Рәсәй (1997, 2003—07) һәм БДБ Универсиадаһы (1995—96, 2000) чемпионы, Рәсәй кубоктарын яулаусы (1998—99, 2006— 07), 27 тапҡыр донъя чемпионаттарының көмөш һәм бронза призёры, Европа (2011) һәм Рәсәй (1996, 1999—2001) чемпионаттарының көмөш призёры, БДБ (1993) һәм Рәсәй (1994—95) чемпионаттарының бронза призёры; Санкт‑Петербург ҡ. (1993), Финляндияла (Турку ҡ., 1998), Швейцарияла (Орби ҡ., 1997—99; Женева ҡ., 2000—01) үткән кикбоксинг һәм хәрби оҫталыҡ буйынса халыҡ‑ара ярыштарҙа еңеүсе. Рәсәй йыйылма командаһы ағзаһы (1993 й. алып). БР‑ҙың Хәрби оҫталыҡ федерацияһы президенты (1999 й. алып). “Башҡортостан Республикаһы алдында күрһәткән хеҙмәттәре өсөн” ордены менән бүләкләнгән (2019).
Тәрж. Г.Ҡ.Ҡунафина