ҒӘҘИЕВ Риф Рифғәт улы
ҒӘҘИЕВ Риф Рифғәт улы (2.4.1964, Өфө ҡ. — 13.1.2021, шунда уҡ), спортсы. Пауэрлифтинг буйынса Рәсәйҙең халыҡ‑ара класлы спорт мастеры (1995). БР‑ҙың күренекле спортсыһы (1995). “Нефтсе” (ауыр атлетика буйынса тренеры — Р.Р.Ғафаров), “Химик” (Б.Г.Лукьянов, Р.З.Сираев), “Ирбис” (пауэрлифтинг буйынса тренеры — Б.И.Шейко) спорт клубтары тәрбиәләнеүсеһе. Европа (1998), Рәсәй (1991, 1995—97, 2002) чемпионы, донъя (2 тапҡыр, 1996; 1998), Европа (1995, 1997, 2002), Рәсәй (1990, 1995, 2004) чемпионаттарының, Рәсәй кубоктары (1996, 1998, 2001) көмөш призёры. Үтә ҙур ауырлыҡ категорияһында өсбәйгелә ятҡан килеш штанга күтәреү буйынса Европа (1998) һәм Рәсәй (1997) рекордсыһы. Рәсәй йыйылма командаһы ағзаһы (1995—2002). 2006 й. алып пауэрлифтинг буйынса БР йыйылма командаһының өлкән тренеры.
Тәрж. Г.Ҡ.Ҡунафина