ҒӘЗИЗОВА Рейда Фәрүәз ҡыҙы

ҒӘЗИЗОВА Рейда Фәрүәз ҡыҙы (9.1.1933, Өфө ҡ. — 4.12.2020, шунда уҡ), тел белгесе. Филология фәндәре докторы (1993), профессор (1995). РФ‑тың почётлы юғары профессиональ белем биреү хеҙмәткәре (2001). К.А.Тимирязев исемендәге Башҡ. педагогия институтын тамамлағандан һуң (1954) 1958 й. тиклем Бөрө педагогия институтында уҡыта. 1963 й. алып БДУ‑ла эшләгән. Фәнни эшмәкәрлеге урыҫ теленең тарихи грамматикаһына, һүҙьяһалыштың һәм лексиканың функциональ-когнитив аспекттарына, урыҫ телен һәм башҡа славян телдәрен сағыштырып өйрәнеүгә арналған. Урыҫ теленең бер нисә функциональ-когнитив һүҙлеге авторы.

 Х е ҙ м.: Сложные слова и исходные словосочетания с глагольным компонентом в русском и сербохорватском языках. Саратов, 1989; Функциональное словообразование русского языка. Уфа, 1998 (авторҙ.); Функционально-когнитивный идеографический словарь русского языка (языковая картина мира): в 2 ч. Уфа, 2007 (авторҙ.).

Т.Ә.Килдебәкова 

Тәрж. Р.Ә.Сиражетдинов