ГОНЧАР Олесь

ГОНЧАР Олесь (Александр Терентьевич; 3.4.1918, Полтава губ. Суха а. –14.7.1995, Киев), яҙыусы. Украина ССР-ы ФА акад. (1978). Соц. Хеҙмәт Геройы (1978). 1959—86 йй. СССР Яҙыусылар союзы идараһы секретары, бер үк ваҡытта 1971 й. тиклем Украина ССР-ы Яҙыусылар союзы идараһы рәйесе. Бөйөк Ватан һуғышы т-дағы “Ер геүләй" (“Земля гудит"; 1947), “Партизан осҡоно" (“Партизанская искра"; 1956) повестары, “Кеше һәм ҡорал" ("Человек и оружие"; 1960) романы авторы. “Байраҡсылар" (“Знаменосцы") трилогияһына ингән “Зәңгәр Дунай" (“Голубой Дунай"; 1947) романында Г. ҡыйыу яугир – миномёт ротаһы старшинаһы башҡорт Вася Багиров образын тыуҙырған. Ленин (1964), Сталин (1948, 1949) пр., СССР Дәүләт пр. лауреаты.

С.Ғ.Сафуанов

Тәрж. Л.Н.Абдрахманова