ҠОҘАЯРОВА Гүзәл Радомес ҡыҙы

ҠОҘАЯРОВА Гүзәл Радомес ҡыҙы (18.1.1953, Өфө), үҫемлектәр физиологы. Биол. ф. д‑ры (1996), проф. (2000). Р.Ғ.Ҡоҙаяровтың ҡыҙы. БДУ‑ны тамамлағандан һуң (1975) Биохимия һәм цитохимия бүлегендә эшләй; 1986 й. алып Биология ин-тының үҫемлектәр физиологияһы лаб. мөдире. Фәнни тикшеренеүҙәре үҫемлектәрҙең тереклек итеү шарттары ҡапыл үҙгәргәндә фитогормондарҙы өйрәнеүгә арналған. Ҡ. тарафынан гормондарҙың синтезланыуы, күсеүе һәм тарҡалыуы иҫәбенә уларҙың концентрацияһының тиҙ үҙгәреү механизмы, тиҙ гормональ реакцияларҙың үҫеүгә һәм һыу алмашыныуына булышлыҡ итеүҙә роле асыҡланған. Гормондарҙы синтезлаған бактериялар ярҙамында инокуляциялау юлы м‑н үҫемлектәрҙең продуктлылығын һәм сыҙамлылығын арттырыу ысулы эшләнгән. 200‑ҙән ашыу фәнни хеҙмәт һәм 3 уйлап табыу авторы.

Хеҙм.: Гормоны растений. Регуляция концентрации, связь с ростом и водным обменом. М., 2007 (авторҙ.).

Тәрж. Г.А.Миһранова