КУЛАКОВ Пётр Афанасьевич

КУЛАКОВ Пётр Афанасьевич (16.6.1923, БАССР‑ҙың Өфө кантоны Покровка а. (БР‑ҙың Өфө районы) — 24.1.1994, Өфө ҡ.), Советтар Союзы Геройы (1945). Б.В. һуғышында ҡатнашыусы. Латвия коммунистар (большевиктар) партияһы ҮК эргәһендәге Юғары партия мәктәбен тамамлаған (Рига ҡ., 1949). 1942 й. июненән Дон, Сталинград, Көнбайыш һәм 3‑сө Белоруссия фронттарында хеҙмәт итә. Герой исеменә 31‑се армия 174‑се уҡсылар дивизияһы 598‑се артиллерия полкының орудие командиры сержант К. 1944 й. 6 һәм 20 июлендә Белорус ССР‑ының Волма һәм Солоцкино торама пункттары янындағы алыштарҙа күрһәткән батырлығы өсөн лайыҡ була. 1946 й. демобилизациялана. 1949 й. алып Латвия ССР‑ында партия һәм дәүләт эшендә. 1954—84 йй. Өфө НЭЗ‑ында, “Башнефтехимзаводы” ПБ‑ында һәм Өфө резина-техник изделиелар заводында эшләй. Ленин (1945), Ҡыҙыл Байраҡ (1945), 1‑се дәрәжә Ватан һуғышы (1985) ордендары менән бүләкләнгән. К. исеме тыуған ауылындағы урамға бирелгән, Благовещен ҡ. уға һәйкәл ҡуйылған.

  Әҙәб.: С а д о ф ь е в Д. Высота славы //Славные сыны Башкирии. Кн.1. Уфа, 1965.

И.Ғ.Кәримова

Тәрж. М.Х.Хужин