ҠАМЫШЛЫ, Өфө р‑нындағы ауыл
ҠАМЫШЛЫ, Өфө р‑нындағы ауыл, Булгаков а/с ҡарай. Район үҙәгенән К. 33 км һәм Өршәк т. юл ст. К.‑Көнс. табан 12 км алыҫлыҡта Өршәк й. буйында урынлашҡан. Халҡы: 1906 й. — 277 кеше; 1920 — 476; 1939 — 520; 1959 — 608; 1989 — 539; 2002 — 669; 2010 — 758 кеше. Сыуаштар, урыҫтар йәшәй (2002). Башланғыс мәктәп (Булгаков лицейы филиалы), фельдшер-акушерлыҡ пункты, мәҙәниәт йорто, китапхана, сиркәү бар.
Ауылға 1779 й. керҙәшлек килешеүе б‑са Нуғай даруғаһы Мең улусы башҡорттарының аҫаба ерҙәрендә яңы суҡындырылған сыуаштар нигеҙ һала. Шулай уҡ Усахин (тәүге төпләнеүсе Фёдор Усахин фамилияһынан), Ҡалмантай, Яңы Алмантай, Ҡамышлыкүл исемдәре м‑н теркәлгән. 1865 й. (хәҙ. исем м‑н) 21 йортта 127 кеше йәшәгән. Игенселек, малс‑ҡ, ағас әйберҙәр яһау м‑н шөғөлләнгәндәр. 1906 й. шарап, һыра һәм 4 бакалея кибете, мөгәзәй, земство этап йорто теркәлгән; шөғөлдәр араһында ш. уҡ ылаусылыҡ булған. 60‑сы йй. ҡарай Ҡ. м‑н 19 б. 1‑се ярт. нигеҙләнгән Гординовка (Лидино, Ҡамышлы), Петровка (Завьялов), Топорнин (Марьин, Крючково, Никольский) аа. ҡушылған.
Д.Ғ.Күскилдин
Тәрж. Р.Ғ.Ғилманов