“ЗЁРНЫШКО”, киностудия

“ЗЁРНЫШКО”, Мәләүез ҡала мәҙәниәт һарайы эргәһендәге киностудия. 1975 й. кино төшөрөүсе һәүәҫкәрҙәр түңәрәге булараҡ ойошторола, 1978 й. хәҙ. статусын һәм “халыҡ” исемен йөрөтә. 1975—2010 йй. 80‑дән ашыу документаль фильм төшөрөлә: “Председатель меридианы” (“Председательский меридиан”, сценарисы һәм реж. М.Г.Пильнов, операторы Л.М.Пильнов; Бөтә Рәсәй халыҡ ижады смотры лауреаты, Мәскәү, 1978), “Һин беҙҙә берәү генә” (“Ты у нас одна”, сценарисы һәм реж. М.Г.Пильнов, операторы Н.Ф.Дрямов; Респ. һәүәҫкәр фильмдары фестивале лауреаты, Өфө, 1982), “Полуторка” (сценаристары М.Г.Пильнов һәм Р.И. Килмәмәтов, реж. Л.В.Головкина, операторы Дрямов, Ю.Ф.Михеев; Бөтә Рәсәй һәүәҫкәр фильмдар фестивале лауреаты, Мәскәү, 1983; Соц. илдәрҙең халыҡ‑ара фестивале дипломанты, Одесса ҡ., 1985), “Был ғүмерлеккә” (“Это на всю жизнь”, сценарисы М.Г.Пильнов, реж. Килмәмәтов, операторы Дрямов, Головкина, Ә.Б.Ғәлиев; “Ер һәм кешеләр” (“Земля и люди”) Бөтә Союз һәүәҫкәр фильмдар фестивале, Мәләүез ҡ., “Мәҙәниәт һәм сәнғәт ҡомартҡыларын һаҡлау” (“Охрана памятников культуры и искусства”) Бөтә Рәсәй кинофестивалдәре лауреаты, Өфө; икеһе лә — 1990), “Хушлашыу салюты, йәки Икенсе донъя һуғышының һуңғылары” (“Прощальный салют, или Последние из Второй мировой”, сценарисы һәм реж. М.Г.Пильнов, операторы Р.Ә.Нәзметдинов; “Ер һәм кешеләр” Респ. кино‑, видеофильмдар фестивале лауреаты, Мәләүез ҡ., 2000; Гран‑при), “Полуторка‑2, йәки Самауырсылар” (“Полуторка‑2, или Самоварщицы”, сценарисы һәм реж. М.Г.Пильнов, операторҙары А.В. һәм А.М. Желтоуховтар, Д.В.Спиридонов; “Ер һәм кешеләр” Респ. киновидеофильмдар фестивале лауреаты, Өфө, 2002). 80—90‑сы йй. киностудия “Мелеузовский калейдоскоп” (“Мәләүез калейдоскобы”) киножурналын сығара (ике йылға 1 тапҡыр). “З.” м‑н А.А.Данилов, А.Н.Прокудин, Р.Ф.Садиҡов, Л.М.Суслов, Х.Т.Шәйәхмәтов, БАССР‑ҙың атҡ. мәҙәниәт хеҙм‑ре Р.Л.Хисмәтуллин һ.б. эшмәкәрлеге бәйле. Етәкселәре: М.Г.Пильнов (нигеҙ һалыусы һәм тәүге етәксе), Дрямов (1978 й. алып).

Л.В.Головкина

Тәрж. Р.Р.Абдрахманов