КИСЕЛЁВ Геннадий Семёнович

КИСЕЛЁВ Геннадий Семёнович (1.2.1922, Өфө — 15.5.1979, Омск ҡ.), лётчик, подполковник (1959). Советтар Союзы Геройы (1946). Б.В. һуғышында ҡатнашыусы. Энгельс хәрби авиация пилоттар мәктәбен (1942), Хәрби‑һауа акад. (Мәскәү өлк. Монино ҡасабаһы, 1952) тамамлаған. 1940 й. алып Совет Армияһында. 1942 й. башлап Сталинград, Дон, Үҙәк, Белоруссия һәм 1‑се Белоруссия фронттарында хеҙмәт итә. Герой исеменә 16‑cы һауа армияһы 2‑се гвардия штурмлау авиация див. 58‑се гвардия штурмлау авиация полкының эскадрилья ком. урынбаҫары гвардия лейт. К. 110 хәрби осошта (1945 й. февр. ҡарата) күрһәткән батырлығы өсөн лайыҡ була. 1959 й. алып запаста. Ленин (1946), Ҡыҙыл Байраҡ (1944, 1944, 1945), 1‑се дәрәжә Ватан һуғышы (1944), Ҡыҙыл Йондоҙ (1943, ?) орд. м‑н бүләкләнгән.

И.Ғ.Кәримова

Тәрж. М.Х.Хужин