Для авторизации на текущем портале в Вашем профиле ЕСИА должно быть заполнено поле "Электронная почта"

Инергə
Төбәк интерактив энциклопедик портал «Башҡортостан»
Башҡортостан Республикаһы Фәндәр академияһы Башҡортостан Республикаһы “Башҡорт энциклопедияһы” дәүләт автономиялы фән учреждениеһы

КИНЯШОВ Михаил Александрович

Просмотров: 1364

КИНЯШОВ Михаил Александрович (15.9.1924, БАССР‑ҙың Өфө кантоны Благовещен Заводы а., хәҙер БР‑ҙың Благовещен ҡ., — 1.6.1995, шунда уҡ), Дан орденының тулы кавалеры. Б.В. һуғышында ҡатнашыусы. 1938—42 йй. һәм 1947—84 йй. Благовещен арматура заводында эшләй. 1943 й. алып Ялан, 2‑се, 3‑сө һәм 1‑се Украина фронттарында 5‑се гвардия армияһы 13‑сө гвардия уҡсылар дивизияһы 34‑се гвардия уҡсылар полкында миномёт командиры булып хеҙмәт итә. Дан ордендары менән К. 1944 й. 27 ғинуарында — 2 февралендә Украина ССР‑ы Ковалёвка а., 16 августа Стопница торама пункты (Польша) янындағы, 1945 й. 19—20 апрелендә Зенфтенберг ҡ. (Германия) эргәһендәге алыштарҙа күрһәткән батырлығы өсөн бүләкләнә. 1947 й. гвардия старшинаһы К. демобилизациялана. 1‑се дәрәжә Ватан һуғышы (1985), Ҡыҙыл Йондоҙ (1945), 1‑се (1945), 2‑се (1944 й. сентябре) һәм 3‑сө (шул уҡ йылдың марты) дәрәжә Дан ордендары менән бүләкләнгән. Благовещен ҡ. урамға һәм 6‑сы урта мәктәпкә К. исеме бирелгән, ул уҡыған 2‑се төп мәктәп бинаһына мемориаль таҡтаташ ҡуйылған.

Әҙәб.: О р л о в В. Отважный миномётчик //Славные сыны Башкирии. Кн.5. Уфа, 1985.

 Ғ.Һ.Булатов, А.Н.Пинтсон

Тәрж. Д.К.Үзбәков

Дата публикации: 10.10.2019
Дата последнего обновления публикации: 17.04.2023
Связанные темы рубрикатора:
Связанные статьи: