КУЧУРИН Евгений Сергеевич

КУЧУРИН Евгений Сергеевич (30.8.1946, Пенза өлкәһе Вазерки а. — 10.5.2004, Октябрьский ҡ.), тау инженеры‑геофизик. Техник фәндәр докторы (1994). Свердловск тау институтын тамамлағандан һуң (1969) Чита геология идаралығында эшләй. 1983 й. алып Бөтә Союз геологик разведка скважиналарын геофизик өйрәнеү ғилми‑тикшеренеү һәм проект‑конструкторлыҡ институтында (Октябрьский ҡ.): өлкән ғилми хеҙмәткәр, лаборатория мөдире, 1987 й. башлап директор урынбаҫары, 1988 й. — директор, 1990 й. – лаборатория мөдире, 1996—2004 йй. бүлек мөдире. Фәнни эшмәкәрлеге разведка геофизикаһына арналған. К. тарафынан мәғдән, күмер, нефть ятҡылыҡтарында нейтрон гамма-каротаж, нефть һәм газ коллекторҙары үҙенсәлектәрен баһалау, ҡатламдарҙың нефть биреүсәнлеген арттырыу ысулдары һәм технологиялары уйлап табылған. Байкал аръяғының Ленин комсомолы премияһы лауреаты (1980).

   Х е ҙ м.: Методические рекомендации по применению широкодиапазонного спектрометрического нейтронного гамма‑каротажа для определения содержания железа в рудах сложного минералогического состава. Октябрьский, 1993.

К.В.Антонов

Тәрж. Г.М.Ғәлиева