Для авторизации на текущем портале в Вашем профиле ЕСИА должно быть заполнено поле "Электронная почта"

Инергə
Төбәк интерактив энциклопедик портал «Башҡортостан»
Башҡортостан Республикаһы Фәндәр академияһы Башҡортостан Республикаһы “Башҡорт энциклопедияһы” дәүләт автономиялы фән учреждениеһы

НОВИКОВ Михаил Николаевич

Просмотров: 57

НОВИКОВ Михаил Николаевич (5.5. 1941, Ташкент), кинооператор. Кинематографсылар союзы (1998), Фоторәссамдар союзы (2000) ағзаһы. Бөтә Союз дәүләт кинематография ин‑тын тамамлаған (1974; В.В.Монахов оҫтаханаһы). 1960 й. алып Омск ТВ студияһы кинооператоры ассистенты, 1971 й. — Свердловск к/ст кинооператоры, 1976 й. — Өфө кинохроника пунктының үҙ хәбәрсеһе, 1993—97 йй. “Башҡортостан” к/ст дир., 2000 й. башлап Федераль яза башҡарыу хеҙмәтенең БР б‑са Баш идаралығы матбуғат хеҙмәте нач., 2005 й. — баш белгесе, 2013 й. — аналитигы. “Көн яңылыҡтары” (“Новости дня”), “Рәсәйлеләр” (“Россияне”), “Совет Уралы” (“Советский Урал”) киножурналдары өсөн Башҡортостан т‑да 550‑гә яҡын кинохроника сюжеты; 70‑тән ашыу документаль фильм төшөргән: “Харасавэй” (1976; Бөтә Союз эшселәр класының хеҙмәте һәм тормошо т‑дағы фильмдар смотры лауреаты, Силәбе ҡ., 1976), “Таратыусың һәм һаҡлаусың” (“Сеятель твой и хранитель”; 1978; Бөтә Союз кинофестивале лауреаты, Ашхабад, 1979), “Йомабай ҡурайы” (“Курай Юмабая”; 1991), “Арҡайым” (“Аркаим”; 1993), “Республика көндәре” (“Дни республики”; 1994), “100 көн hуғыш hәм солох” [“100 дней войны и мира”; 2002; “Ер hәм кешеләр” (“Земля и люди”) Респ. киновидеофильмдар фестивале лауреаты, Өфө, 2002] һ.б. 10‑дан ашыу документаль фильмдың режиссёр‑операторы: “Бесәндең йәшел еҫе” (“Зелёный запах сена”; 1965; Бөтә Союз телевизион фильмдар конкурсы дипломанты, Мәскәү, 1965), “Ҡарт ағас йырҙары” [“Песни старого дерева”; 1967; “Ватан” (“Отчизна”) конкурсы дипломанты, Мәскәү, 1967] һ.б. “Почёт Билдәһе” орд. м‑н бүләкләнгән (1981).  

Г.Ю.Солтанбаева

Тәрж. Р.Р.Абдрахманов

Дата публикации: 10.10.2019
Дата последнего обновления публикации: 17.10.2019