Для авторизации на текущем портале в Вашем профиле ЕСИА должно быть заполнено поле "Электронная почта"

Инергə
Төбәк интерактив энциклопедик портал «Башҡортостан»
Башҡортостан Республикаһы Фәндәр академияһы Башҡортостан Республикаһы “Башҡорт энциклопедияһы” дәүләт автономиялы фән учреждениеһы

МАЙЛУТ

Просмотров: 743

МАЙЛУТ, крамбе (Crambe), әүернә һымаҡтар ғаиләһенә ҡараған үҫемлек заты. 25 төрө билдәле, Евразияла һәм Төньяҡ Африкала таралған. Башҡортостанда татар М. үҫә. Йыуан тамырлы күп йыллыҡ үлән. Һабағы төҙ, тармаҡлы, бейеклеге 30—90 см. Япрағы эре, итләс, күп бүлкәтле. Сәскәһе аҡ төҫтә, күп һанлы, сәскәлеге һепертке һымаҡ. Май—июндә сәскә ата. Емеше — ике быуынлы асылмаусан пәрҙәле ҡуҙаҡ, июль—авг. өлгөрә. Орлоҡтары өлгөрөү осоронда “ҡамғаҡ” барлыҡҡа килтерә, был орлоҡтарҙың таралыуына булышлыҡ итә. Далала үҫә, һирәкләп Бөгөлмә‑Бәләбәй ҡалҡыулығының көньяҡ өлөшөндә, Дөйөм Һыртта, Көньяҡ Уралдың көнбайыш армыттарында осрай. Ашарға яраҡлыүҫемлек, йәш һабаҡтары һәм япраҡтары ашарға яраҡлы; составында С витамины, каротин, емештәрендә — ҡуйы майҙар бар. Мал аҙығы, декоратив, баллы үҫемлек. БР‑ҙың Ҡыҙыл китабына индерелгән.

А.Ә.Мулдашев

Тәрж. Г.А.Миһранова

Дата публикации: 10.10.2019
Дата последнего обновления публикации: 18.10.2019
Связанные статьи: