КРЫСИН Николай Иванович

КРЫСИН Николай Иванович (20.4.1938, БАССР‑ҙың Шишмә районы Дмитриевка а.), тау инженеры. Техник фәндәр докторы (1988), профессор (2012). ӨНИ‑не тамамлағандан һуң (1962) “Пермнефть” берекмәһендә: 1965 й. алып “Пермвостокнефтеразведка” тресында технологик бүлек начальнигы, 1968 й. — баш инженер, 1969 й. — Көңгөр разведка быраулауы идаралығының баш инженеры, начальник урынбаҫары, 1974 й. башлап Пермь нефть ғилми‑тикшеренеү һәм проект институтында эшләй, бер үк ваҡытта 2009—21 йй. Пермь милли тикшеренеү политехник университетында уҡыта. Фәнни‑производство эшмәкәрлеге нефть ятҡылыҡтарын үҙләштереү, ҡаҙылмаларға бай ҡатламдарҙы асыу технологияларын камиллаштырыу менән бәйле. К. тарафынан балсыҡлы һәм балсыҡһыҙ быраулау эретмәләренең ҡушылмалары, уларҙы ҡулланыу, депрессияла, нығытыу торбалары менән беркетелгән скважинала ҡаҙылмаларға бай ҡатламдарҙы асыу технологиялары уйлап табыла.

  Х е ҙ м.: Проблемы и перспективы вскрытия продуктивных пластов при отрицательном дифференциальном давлении в системе “скважина—пласт”. Пермь, 2003 (авторҙ.); Применение щелевой гидропескоструйной перфорации при вторичном вскрытии продуктивных пластов. СПб., 2005 (авторҙ.).

Тәрж. Г.М.Ғәлиева