ҠАЛТАСЫ УРМАН СӘНӘҒӘТЕ ХУЖАЛЫҒЫ

ҠАЛТАСЫ УРМАН СӘНӘҒӘТЕ ХУЖАЛЫҒЫ, ағас әҙерләү һәм эшкәртеү, урманды файҙаланыуҙы көйләү пр‑тиеһы. 1946 й. “Ҡыҙыл Танып”, “Боевик”, “Еңеү” артелдәре базаһында Ҡалтасы район яғыулыҡ пр‑тиеһы булараҡ ойошторола, 1953 й. алып Ҡалтасы район сәнәғәт комбинаты, 1974 й. — Ҡалтасы ағас-таҡта әҙерләү пункты, 1987 й. — Ҡ.у.с.х., составына Борай, Мишкә һәм Тәтешле ағас-таҡта әҙерләү пункттары ингән; 1999 й. башлап “Ҡалтасы ағас-таҡта әҙерләү пункты” МУП, 2005 й. ябыла. Ҡ.у.с.х. тәҙрәләр, ишектәр, саналар, арбалар, дуғалар, тәгәрмәстәр, сана табандары, һаптар, һалабаш, һалабаш таҫмалары, ҡаптар, септә, күмер, дегет һ.б. продукция сығара. 70‑се йй. башында паркет, мискәләр, мебель һ.б. етештереү башлана. 1973 й. 0,5 млн һумлыҡ, 1988 й. 3,4 млн һумлыҡ продукция етештерелгән. Продукцияһы БР‑ҙа һатылған.

Д.Ғ.Күскилдин, Р.Р.Рәхимов

Тәрж. Г.Ҡ.Ҡунафина